കഴക്കൂട്ടത്തെ ഭക്ഷണം

രാവിലെ കഴക്കൂട്ടത്തുനിന്നു കഴിക്കാന്‍ കൊള്ളാവുന്ന ചുര്രുക്കം ചില ഭക്ഷണ ശാലകളില്‍ ഏറ്റവും മുന്തിയത് നാഷണല്‍ ഹോട്ടല്‍ തന്നെ. ഉച്ചക്ക് ഊണിനു തൈര് കൂട്ടാന്‍ താത്പര്യം ഉണ്ടെങ്കില്‍ വീണ്ടും നാഷണല്‍ തന്നെ. അല്ലെങ്കില്‍ നേരെ കുളത്തൂര്‍ വച്ചു പിടിക്കുക... അവിടെ അശ്വതി ഹോട്ടല്‍ കൊള്ളാം. പിന്നെ ഒരു ഗുരു ദര്‍ശന അല്ലെങ്കില്‍ ഒരു പ്രഗില അതുമില്ലെങ്കില്‍ ഒരു ഇമ്പീരിയല്‍ ....തീര്‍ന്നു.. ബാക്കി ഒക്കെ ഒരു മാതിരി ഊണാണ്..... രാവിലത്തെ കാര്യം പറയുകയും വേണ്ട... ചില ഹോട്ടലില്‍ കയറിയാല്‍ അവര്‍ക്ക് എണ്ണ സൗജന്യമായി കിട്ടുന്നതാണോ എന്ന് തോന്നി പോകും...

മധ്യ കേരളവും ചില മദ്യപാന ചിന്തകളും

മധ്യ കേരളത്തിലെ ഒരു സുഹൃത്തിന്റെ കല്യാണം. ക്ഷണിക്കാനായി കാത്തിരുന്നു പോകാന്‍. പതിവു പോലെ ആദ്യം നാടന്‍ പുണ്യഗ്രഹങ്ങള്‍ ഒക്കെ സന്തര്‍ശിച്ചു വിദേശ വസ്തുക്കള്‍ നല്കുന്ന ഒരു പര്‍ണശാലയില്‍ താമസമായി.... സ്വദേശി വിദേശി ലയനം നടന്നതോടെ പല സുഹൃത്തുക്കളും ഗായകരായി. പിന്നെയും വിദേശി ഒഴുകിയതോടെ പാട്ടിന്റെ ലയവും താളവും മുറുകി.. അര്‍ഥങ്ങള്‍ മാറി തുടങ്ങി... മറ്റു അന്തോവസികള്‍ക്ക് പരിഭവം ആയി തുടങ്ങി.. പരിഭവങ്ങള്‍ ഭീഷണികള്‍ ആയി മാറി. ഒടുവില്‍ വാതിലില്‍ മുട്ടി വിളിച്ചു സങ്കടം ഉണര്‍ത്തിച്ചു.. ആവശ്യപ്പെട്ട വരങ്ങള്‍ നല്കി അവരെ യാത്രയാക്കി. അപ്പോള്‍ കൂട്ടത്തില്‍ മുതിര്‍ന്ന ആള്‍ക്ക് ഒരു സംശയം "അഥവാ വരം തന്നില്ല എങ്കില്‍?".
പിന്നെ എല്ലാം മായ... ചോദിച്ച ആള്‍ ഇരു കവിളുകളും തടവി നിവര്‍ത്തി സുഖമായി ഉറക്കം തുടങ്ങി.. അല്ല പിന്നെ...